काठमाडौंको बाफलमा जुवा खेल्ने ६ जना पक्राउ, ६२ हजार बरामद !

५ साउन, काठमाडौं । बाफलमा जुवा खेल्ने ६ जना पक्राउ परेका छन । काठमाडौं महानगरपालिका १३ बाफलको गाईबाच्छा टाेलमा रहेको एक घरमा जुवा खेलिरहेकाे बेला पंकज जोशीसहित ६ जना पक्राउ परेकाे महानगरीय प्रहरी कार्यालय रानीपोखरीले जनाएको छ ।

महानगरीय प्रहरी वृत्त कालिमाटीबाट खटिएको प्रहरी टोलीले जुवा खेलिरहेका उनीहरुलाई पक्राउ गरेको हो । उनीहरूको साथबाट नगद ६२ हजार ३ सय रूपैया पनि बरामद गरिएको प्रहरीले जनाएको छ ।

पक्राउ परेका जुवाडेमाथि थप अनुसन्धान भइरहेको पनि प्रहरीले जनाएको छ ।