काठमाडौंमा ८ र ललितपुरमा एक जनामा कोरोना संक्रमण

६ साउन, काठमाडौं । काठमाडौं उपत्यकामा थप नौ जनामा कोरोना संक्रमण पुष्टि भएको छ । काठमाडौं जिल्लाका आठ र ललितपुरका एक जनामा संक्रमण पुष्टि भएको हो ।

स्वास्थ्य तथा जनसंख्या मन्त्रालयले मंगलबार गरेको नियमित मिडिया ब्रिफिङमा त्रिवि शिक्षण अस्पताल प्रयोगशालामा गरिएको परीक्षणमा काठमाडौं जिल्लाका आठ जनामा संक्रमण पुष्टि भएको जनाएको हो ।

त्यसैगरी स्टार अस्पताल सानेपामा गरिएको परीक्षणमा ललितपुर जिल्लाका एक जनामा कोरोना पुष्टि भएको मन्त्रालयका प्रवक्ता डा जागेश्वर गौतमले बताए ।