विरगञ्जमा कोरोना संक्रमितको मृत्यु

८ साउन, वीरगञ्ज । पर्साको वीरगञ्जमा एक जना कोरोना संक्रमितको मृत्यु भएको छ । गण्डक अस्पतालमा भर्ना भएर उपचार गराइरहेका पर्सा माईस्थानका अन्दाजी ६० वर्षीय पुरुषको उपचारको क्रममा हिजो साझ मृत्यु भएको हो ।

यससँगै नेपालमा कोरोना भाइरसको संक्रमणबाट मृत्यु हुनेको संख्या ४३ पुगेको स्वास्थ्य तथा जनसंख्या मन्त्रालयले जनाएको छ । यसअघि हिजो दुई जना संक्रमितको मृत्यु भएको थियो । मृत्यु हुनेमा चिनिया महिला समेत छिन् ।

उनको मृत्युपछि मात्रै पीसीआर परीक्षण गरिएको थियो । गत सोमबार सास फेर्न गाह्रो भएपछि सुरुमा एडभान्स अस्पतालमा भर्ना गरियो । पछि कोरोना आशंका भएपछि गण्डकीको कोभिड अस्पतालमा लगियो । उनले त्यही साँझ ज्यान गुमाएको अस्पतालले जनाएको छ । दुई दिनअघि मृत्यु भएपनि कोरोना संक्रमण पुष्टि भएको रिर्पोट आज मात्रै आएको हो ।