गण्डकीमा थप १० जनालाई कोरोना संक्रमण पुष्टि

९ साउन, काठमाडौं । गण्डकी प्रदेशमा थप १० जनालाई कोरोना भाइरसको संक्रमण पुष्टि भएको छ । क्षयरोग उपचार केन्द्र र पोखरा स्वास्थ्य विज्ञान प्रतिष्ठानमा गरिएको परीक्षणमा कास्की, लमजुङ, बागलुङ र तनहुँका १० जनामा कोरोना संक्रमण पुष्टि भएको स्वास्थ्य निर्देशनालय कास्कीले जनाएको छ ।

संक्रमित हुनेमा कास्कीको पोखरा महानगरपालिका ३ जना पुरुष र अन्नपूर्ण गाउँपालिका एक महिला र एक पुरुष छन् । यस्तै लमजुङको कोल्हसोथारर, बेशीसहर र मध्यनेपालका एक एक जना पुरुष छन् भने तनहुँको शुक्लागण्डकी र बागलुङको तमानखोलाका एक एक पुरुष पनि छन् ।

यससँगै गण्डकीमा कोरोना संक्रमितको संख्या १३६० पुगेको छ ।