नेकपाकाे कलह देशको समृद्धिका लागि बाधक : पूर्वराजा शाह

१४ साउन, काठमाडौं । सत्तारुढ नेकपाभित्रको आन्तरिक कलहले देशको समृद्धिमा बाधा पुगेको पूर्वराजा ज्ञानेन्द्र शाहले बताएका छन् । सामाजिक सञ्जाल ट्वीटरमा ट्वीट गर्दै पूर्वराजा शाहले जनतासामु देशको विकास गर्छु भनेर बाचा खाएका नेता आन्तरिक कलहमा रमाउनु देशका लागि ठूलो घातक भएको बताएका हुन् ।

‘आपसी कलहले गाँजिएको घर परिवारबाट सन्ततीले केही पनि सकारात्मकताको आशा गर्न सक्दैनन्’ पूर्वराजा शाहले ट्वीटमा भनेका छन, ‘राजनीतिक पार्टीभित्रका आपसी कलह देश विकास र संवृद्धिका बाधक बन्नु हाम्रो दूर्भाग्य हो।’

पूर्वराजा शाहले देश विकासको नारा दिएर आपसी कलहमा भुलिनु राम्रो संकेत नभएको समेत बताएका छन् । नेताहरुको कलहका कारण जनताले ठूलो समस्या र सास्ती व्यहोर्नुपरेको पनि पूर्वराजा शाहको भनाई छ ।