प्रहरी मुख्यालयमा थप ९ जनालाई कोरोना, संक्रमितको संख्या ४४ पुग्यो

१५ साउन, काठमाडौं । प्रहरी प्रधान कार्यालय नक्सालका थप ९ जनालाई कोरोना संक्रमण पुष्टि भएको छ । मंगलबार गरिएको परीक्षणको बुधबार आएको रिर्पोटअनुसार थप ९ जनालाई संक्रमण पुष्टि भएको हो । यसअघि हिजो ६ जनालाई संक्रमण पुष्टि भएको थियो ।

प्रवक्ता एसएसपी कुबेर कडायतका अनुसार थपिएका संक्रमितहरूलाई बलम्बुस्थित एपिएफ अस्पतालमा भर्ना गरिएको छ । नयाँ थपिएका संक्रमितहरू पनि यसअघि संक्रमण पुष्टि भएका संक्रमितहरूको कन्ट्याक्ट ट्रेसिङमा परेका हुन्।

संक्रमित हुनेहरु चालक, भान्से लगायतका कर्मचारी छन् । हेडक्वार्टरमै संक्रमण बढेपछि थप सतर्कता बढाइएको छ । संक्रमित बस्ने ब्यारेक र भान्सा सिल गरिएको छ । प्रहरी हेडक्वार्टरमा फैलिएको संक्रमणको स्रोत पत्ता लागेको छैन् ।