कमलादीमा सुन फालेर भागेको स्कार्पियो नखिपोटमा !

१५ साउन, काठमाडौं । केही दिनअघि कमलादीमा सुनको झोला फालेर फरार भएको स्कार्पियो गाडी ललितपुरको नखिपोटमा भेटिएको छ । आधा किलो सुन, दुईवटा पेस्तोल र साढे १४ किलो चाँदीको झोला फालेर भागेको बा ६ च ५५१९ नम्बरको स्कोर्पियो गाडी ललितपुरको नखिपोटमा भेटिएको हो ।

नखिपोटमा निर्माणाधीन घरको कम्पाउन्डभित्र छोपेर राखिएको अवस्थामा गाडी फेला परेको हो । मंगलबार काठमाडौंको कमलपोखरीमा प्रहरी चेकिङ छलेर भागेको गाडीलाई पिछा गर्दा त्यहाँ रहेका मानिसहरुले सेतो झोला फालेर गाडीसहित फरार भएको प्रहरीको भनाइ थियो ।

तर प्रहरीभित्रै छानबिनका लागि गठित समितिले भने यो घटनामा प्रहरीले अभियुक्तलाई उन्मुक्ति दिएको पाइएको छ । घटनाबारे थप अनुसन्धान भइरहेको प्रहरीको भनाई छ ।