बर्षदिनको तीजैकाे रमझम, आउ न बहिनी नाचौँ छमछम

१५ साउन, काठमाडौं । लोकप्रिय गायिका मिश्रादेवी काफ्ले र प्रल्हाद खकुरेलले मौलिकतामा आधारित एक तीज गीतलाई बजारमा ल्याएका छन् । उक्त गीत ‘दाजु बहिनि’ नाममा बजारमा आएको हो । गीतमा एक चेलीले माइती परिवार संग यस बर्षको तीज पर्ब मनाउंदा ब्यक्त गरिएको खुसि समाबेस गरिएको छ । गीतमा प्रदिप रोका, मिश्रादेवी काफ्ले, सबिता ढुंगाना र ललिता घिमिरेको स्वर सुन्न सकिन्छ ।

मिश्रादेवी काफ्ले र बिक्रम ढुंगानाको लय तथा शब्द सृजनाले सजिएको गीतलाई अशंख्य श्रोता तथा दर्शकहरुले यस बर्षको तीजमा कोसेली सम्झेर ग्रहण गरि दिनुहुनेछ भन्ने बिश्वास निर्माण युनिटले गरेको छ । यस गीतको म्युजिक भिडियोमा प्रदिप रोका, रिना थापा मगर, प्रल्हाद खकुरेल, शान्ति खकुरेल, अग्नि विलास अधिकारी मिश्रादेवी काफ्ले, सबिता ढुंगाना र ललिता घिमिरेको आकर्षक नृत्य सहितको अभिनय देख्न सकिन्छ ।

मिलन फिल्म्स प्रालिले बजारमा सार्बजनिक गरेको ‘दाजु बहिनि’ बोलको गीतको म्युजिक भिडियोलाई निर्देशन मिलन श्रेष्ठ, कोरिग्राफी अमोन रानाले गरेका हुन् भने छायांकन जनकराज अधिकारी र सम्पादन रोशन धितालले गरेका छन् । हामी यस गीत संग सम्बन्धित सम्पूर्ण कलाकारहरुमा सफलताको शुभकामना ब्यक्त गर्दछौं ।