विप्लवका रुपन्देही इन्चार्जसहित १० कार्यकर्ता पक्राउ

१६ साउन, काठमाडौं । प्रतिबन्धित नेत्रविक्रम चन्द विप्लव नेतृत्वको नेकपाका १० जना कार्यकर्ता बुटवलबाट पक्राउ परेका छन् । जिल्ला प्रहरी कार्यालय रुपन्देहीले विप्लवका रुपन्देही इन्चार्ज संगम पुनसहित १० जनालाई पक्राउ गरेको हो ।

पक्राउ पर्नेमा विश्वास भट्टराई, माधव न्यौपाने, अज मोहम्मद मिया लगायत छन्। रुपन्देहीका प्रहरी प्रमुख प्रहरी उपरीक्षक हेम कुमार थापाले उनीहरूले बुटवलमा रहेर सरकारद्वारा प्रतिबन्धित गतिविधि गरेको बताए ।

प्रहरीले पक्राउ परेकामाथि थप अनुसन्धान सुरू गरेको जनाएको छ। पछिल्लो समय सरकारले विप्लव समूहका नेताहरुलाई पक्राउ गर्ने क्रम तिब्र पारेको छ ।