नेपालमा संक्रमितको संख्या २० हजार नाघ्यो

१७ साउन, काठमाडाैं । नेपालमा काेराेना भाइरस संक्रमितको संख्या २० हजार नाघेकाे छ । पछिल्लो २४ घण्टामा थप ३१५ जनामा संक्रमण पुष्टि भएसँगै संक्रमितको संख्या २० हजार ८६ पुगेकाे हाे ।

स्वास्थ्य तथा जनसंख्या मन्त्रालयकाे नियमित प्रेस व्रिफ्रिङका क्रममा मन्त्रालयका प्रवक्ता डा. जागेश्वर गाैतमले पछिल्लो २४ घण्टामा ९३ जना डिस्चार्ज भएकाे जानकारी दिए । यससँगै हालसम्म डिस्चार्ज हुनेहरुको संख्या १४ हजार ४ सय ९२ पुगेकाे छ।

पछिल्लाे २४ घण्टामा ६ हजार ९ सय ९३ जनाको पीसीआर परीक्षण गरिएकाे छ। देशभर हालसम्म ११ हजार ५ सय ३३ जना क्वारेन्टिनमा रहेकाे स्वास्थ्य मन्त्रालयले जनाएकाे छ। स्वास्थ्य मन्त्रालयका अनुसार देशभर ५ हजार ३ सय ३८ जना सक्रिय संक्रमित रहेका छन्।