श्रम तथा रोजगार कार्यालयका प्रमुख सञ्जेल कार्यकक्षमै कुटिए

१७ साउन, विराटनगर । श्रम तथा रोजगार कार्यालय विराटनगरका प्रमुख प्रेमप्रसाद सञ्जेलमाथि कार्यकक्षमै कुटपिट भएको छ ।

आफ्नै करारका कर्मचारी नेत्र भट्टराई र मेनुका सापकोटा कोइरालाले आज शनिवार बिहान ११ बजे कुटपिट गरेका हुन्।कुटपिटमा संलग्न भएको आरोपमा प्रहरीले ती महिला कर्मचारीलाई नियन्त्रणमा लिएको छ ।

सञ्जेलमाथि पेपर वेटको डल्लो, चप्पल, पञ्चिङ मेसिन लगायत प्रहार भएको प्रहरीले बताएको छ । कुटपिटबाट सञ्जेलको अनुहारमा चोट लागेको छ ।