गोरखापत्रमा एमालेकरणको चर्काे रुप: वरिष्ठलाई पन्छाउँदै कनिष्ठ प्रधानसम्पादक नियुक्त
नेपालबहस संवाददाता
साउन १८, २०७७ आइतबार १८:१८:४०
१८ साउन, काठमाडौं । देशकै सबैभन्दा जेठो अखबार गोरखापत्र दैनिकमा प्रधानसम्पादक नियुक्ति गर्दा व्यवस्थापनले वरिष्ठतालाई बेवास्ता गर्दै राजनीतिक आस्थाका आधारमा सबैभन्दा कनिष्ठलाई जिम्मेवारी सुम्पिएको छ । व्यवस्थापनले गत शुक्रवार गोरखापत्र दैनिकमा कार्यरत दशौं तहका कनिष्ठ कार्यकारी सम्पादक श्रीधर आचार्यलाई निमित्त प्रधानसम्पादक तोकेपछि वरिष्ठहरुको मानमर्दन गरेको हो ।
आचार्यलाई आस्थाका आधारमा नियुक्त गरिएपछि संस्थानका सबैभन्दा वरिष्ठ ११ औं तहकी हरिकला अधिकारीसमेत असन्तुष्ट भएकी छन् । अधिकारीले प्रधानसम्पादकमा दावी गरेपनि उनलाई निमित्त महाप्रबन्धक बनाएर थामथुम पार्न खोजिएको छ । तर व्यवस्थापनको उक्त निर्णय आफूलाई अस्वीकार्य रहेको उनले बताएकी छन् । शुत्ररबार नै उनलाई निमित्त महाप्रबन्धकको पत्र दिन लाग्दा विरोध गर्दै अस्वीकार गरेकी हुन् ।
पूर्व नेकपा एमाले निकट प्रेस चौतारीका वरिष्ठ उपाध्यक्ष रहेका आचार्य संस्थानका तीनजना वरिष्ठ पत्रकारलाई पन्छाएर प्रधानसम्पादक हुन सफल भएका हुन् । आचार्य भन्दा वरिष्ठतम दशौं तहमै अच्युत अधिकारी र शिव भट्टराई रहेका छन् । भट्टराई सिनियर भएपनि कांग्रेस समर्थक भएको भन्दै प्रधानसम्पादक नदिईएको संस्थान निकट स्रोतले बतायो । तर अधिकारी भने नेकपा निकट मानिन्छन् । साथै, उनले भर्खरै अदालतबाट उमेर हद बढाउने अन्तरिम आदेश लिएर आएका थिए ।
आफूभन्दा कनिष्ठलाई प्रधानसम्पादक बनाइएपछि अधिकारीले पदबाटै राजीनामा दिएका छन् । सिनियारिटीको मर्यादा नराख्ने संस्थामा काम गर्न जाँगर नभएको भन्दै उनले अस्ति नै राजीनामापत्र बुझाएको स्रोतको भनाई छ । आचार्य नेकपाभित्र माधव नेपाल निकट गुटमा रहेका छन् । २०३९ सालमा प्रशासन सेवामा तह ३ मा जागिर सुरु गरेका आचार्य सबैलाई उछिनेर यो पदमा पुगेका हुन् । पत्रकारिताको सैद्धान्तिक र व्यवहारिक दुनै ज्ञान नभएका आचार्यको क्षमता भनेको चाकडी र चाप्लुसी गर्न सिपालु हुनु रहेको स्रोतको दावी छ ।
नेपाली कांग्रेस सत्तामा हुँदा होस् वा माओवादी जोसँग पनि निकट सम्बन्ध बनाएर आफ्नो पक्षमा वातावरण बनाउन खप्पिस आचार्यले मात्र स्नातकसम्मको अध्ययन गरेका छन् । जबकी हरिकला, अच्युत र शिव भने पत्रकारिता र अन्य विषयमासमेत स्नाकोत्तर गरेका वरिष्ठ पत्रकार हुन् । क्षमताविहिन भएपनि चाकडी गर्न सिपालु आचार्यको कार्यक्षमता भने आगामी दिनमा त्यसै देखिने त्यही कार्यरत पत्रकारहरु बताउँछन् ।
कनिष्ठ र क्षमताविहिन आचार्यलाई प्रधानसम्पादक बनाइएकोमा हरिकला सबैभन्दा आक्रोशित छन् । उनी व्यवस्थापनको यो निर्णयलाई चुनौती दिने पक्षमा रहेको उनी निकट स्रोतको भनाई छ । निमित्त महाप्रबन्धकको जिम्मेवारी आफूलाई अस्वीकार्य रहेको उनले व्यवस्थापनलाई बताइसकेकी छन् । सार्वजनिक संस्थानमा समेत राजनीतिक विचारधाराका आधारमा नियुक्ति गर्नु बिडम्बनापूर्ण रहेको भन्दै उनले निकट साथीहरुमाझ त्यसलाई चुनौती दिने बताएकी छन् ।
यसअघि निवर्तमान प्रधानसम्पादक श्रीओम श्रेष्ठको उमेर सच्याएर डेढ वर्ष जागिर ख्वाउने तयारी व्यवस्थापनले गरेको थियो । यस प्रयोजनका लागि बोर्डमा प्रस्तावसमेत लगिएको थियो । तर मन्त्रालयका प्रतिनिधिले कडा शव्दमा प्रतिकार गरेपछि व्यवस्थापन हच्केको हो । यो काम संस्थानमा सम्पादक सल्लाहकारका रुपमा ल्याइएका गोपाल खनालको ग्राण्ड डिजाइनमा गरिएको स्रोतको भनाई छ । उनी संस्थानको व्यवस्थापन तथा सम्पादकीय फाँटमा नेकपाको एकलौटी गर्न उद्यत् छन् ।
अहिलेका सञ्चारमन्त्री डा. युवराज खतिवडाका निकट मानिने खनालले मन्त्रीकै प्रियपात्र अच्युत अधिकारीलाई समेत प्रधानसम्पादक बन्न दिएनन् । किनभने अधिकारी श्रीधर जस्तो नेकपाका कार्यकर्ता भने होइनन् । अहिले श्रीधरलाई प्रधानसम्पादक बनाएपछि खनालको दाउ संस्थानको कार्यकारी अध्यक्ष बन्नेमा केन्द्रित छ । वर्तमान कार्यकारी अध्यक्ष भण्डारीलाई पदमुक्त गरी सो ठाउँमा आफू आउने उनको योजना रहेको बताईएको छ । साथै, श्रीओमको म्याद नथपिएपछि उनलाई संस्थान बोर्ड सदस्यमा ल्याउने तयारी पनि सँगसँगै बढाइएको छ ।
पूर्व सञ्चारमन्त्री गोकुल बाँस्कोटाले नियुक्त गरेका भण्डारी र खनालबीच पछिल्लो समय सम्बन्ध राम्रो थिएन । त्यसको कारण भने अर्का विज्ञ सल्लाहकार टीकाराम राई बनेका थिए । राईले संस्थान सुधार गर्न ठूलै मेहनत गरेका थिए । त्यसका परिणाम आउन थालिसकेको बेला खनालका स्वार्थ पूरा गर्न अस्वीकार गरेका राईलाई दुई हप्ताअघि अवकाश दिइएको थियो । राईकै कारण खनाललगायत पूर्व एमाले समूह भण्डारीसँग समेत आक्रोशित भएको हो ।
खनालको चाहना भनेको संस्थानमा पूरै नेकपाकरण गर्नुपर्छ भन्ने देखिएको त्यहीं कार्यरत एकजना पत्रकारले बताए । त्यो अभियानमा खनाल विस्तारै सफल भएको पनि उनको भनाई छ । टीकाराम राई रहुञ्जेल संस्थानमा आस्था भन्दा कार्यक्षमतालाई आधार बनाइएको थियो, तर अब त्यो अवस्था रहेन भन्दै ती पत्रकारले भने– अब भने संस्थानमा खनालले चाहे अनुसारकै एमालेकरण हुने अवस्था तयार भएको छ ।
उता, विज्ञ सल्लाहकार राईलाई सुनुवाईको मौकासमेत नदिई एकपक्षीय रुपमा हटाएकोबारे सर्वाेच्च अदालतले आज साउन १८ गते दुवै पक्षलाई छलफलमा बोलाएको छ । यसको छिनोफानो आजै हुनसक्ने बताइएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमहत्वाकांक्षी लक्ष्यसहित तयार भयो सोह्रौँ पञ्चवर्षीय आवधिक योजना
बैशाख ३१, २०८१ सोमबार
सुनकोसी मरिण डाइभर्सन सुरुङको आज 'ब्रेक थ्रू' हुँदै
बैशाख २६, २०८१ बुधबार
भारतले प्याज निर्यातमा प्रतिबन्ध हटायो
बैशाख २२, २०८१ शनिबार
यस वर्ष पनि एनएमबी बैंकका शेयरधनीको हात खाली, वितरण योग्य मुनाफा ऋणात्मक
नेपालबहस संवाददाता
बैशाख ३०, २०८१ आइतबार
बजेट बनाउन अर्थमन्त्रीको टीम भन्दा गिरोह सक्रिय, करका दरमा खेल्ने प्रयास
नेपालबहस संवाददाता
बैशाख २९, २०८१ शनिबार
उडिरहेको विमानमा एयर होस्टेसलाई यात्रुले दुर्व्यवहार गरेपछि...
नेपालबहस संवाददाता
बैशाख ३०, २०८१ आइतबार
उदघाटन गरेको ९ दिन नपुग्दै हावाले भत्कायो इलाका प्रहरी कार्यालय जयनगरको पर्खाल
बैशाख ३१, २०८१ सोमबार
मधेशमा नयाँ सरकार गठनका लागि आज ४ दलले एमालेको नेतृत्वमा दाबी पेश गर्दै
बैशाख ३१, २०८१ सोमबार
सुँगुरको मिर्गौला प्रत्यारोपण गरिएका रिचर्डको निधन
बैशाख ३१, २०८१ सोमबार
राजनीति देश र जनताका लागि हुनुपर्छ : उपसभापति गुरुङ
बैशाख ३१, २०८१ सोमबार
ठूला सरकारी अस्पतालमा जनशक्ति थप्ने नवनियुक्त स्वास्थ्यमन्त्री यादवको निर्णय
बैशाख ३१, २०८१ सोमबार
नेपालको वित्तीय सङ्घीयता कार्यान्वयनमा मध्यम प्रगति, प्रदेश र स्थानीय तह घाटामा
बैशाख ३१, २०८१ सोमबार
धनगढी र दार्चुलामा करेन्ट लागेर दुई जना घाइते
बैशाख ३१, २०८१ सोमबार
पोखराबाट खैरो हिरोइनसहित दुई जना पक्राउ
बैशाख ३१, २०८१ सोमबार
कर्णालीमा जबरजस्ती करणीका मुद्दा धेरै
बैशाख ३१, २०८१ सोमबार