काठमाडौंका थप ५१ जनालाई कोरोना

१९ साउन, काठमाडौं । कोरोना भाइरसको संक्रमण बढ्दै जाँदा काठमाडौं उपत्यकामा थप ५१ जनामा कोरोना भाइरस पुष्टि भएको छ । स्वास्थ्य तथा जनसंख्या मन्त्रालयका अनुसार काठमाडौं जिल्लामा मात्र ४३ जनामा संक्रमण पुष्टि भएको छ ।

यस्तै ललितपुरमा ३ र भक्तपुरमा ५ जनामा कोरोना संक्रमण पुष्टि भएको छ । यसअघि हिजो ३१ जनामा संक्रमण देखिएको थियो । पछिल्लो समय दैनिक संक्रमितको संख्या बढ्दै गएको छ ।

संक्रमितहरु कुन ठाउँका हुन् भन्ने खुल्न बाँकी छ । उपत्यकामा संक्रमण बढ्दै गएपछि अब गाडी जोर विजोर प्रणालीमा चलाउने प्रस्ताव सरकारले गरेको छ ।