काठमाडौंमा फेरि जोर विजोर प्रणाली !

१९ साउन, काठमाडौं । कोरोना भाइरसको संक्रमण बढ्दै गएपछि काठमाडौंमा फेरि जोर विजोर प्रणाली लागु गरिने भएको छ । कोरोनाको जोखिम बढेसँगै स्वास्थ्य तथा जनसंख्या मन्त्रालयले सार्वजनिक गाडीमा समेत जोर विजोर लागू गर्न प्रस्ताव गरेको हो ।

कोभिड–१९ संकट व्यवस्थापन सेन्टर सीसीएमसीको निर्देशक समितिको बैठकले काठमाडौं उपत्यकामा फेरि जोर विजोर प्रणाली लागु गर्न प्रस्ताव ल्याएको हो । सीसीएमसीले निर्णय गरेर मन्त्रिपरिषद्‍ बैठकमा प्रस्ताव लगिएको छ ।

सरकारले २६ असारबाट निजी सवारी साधानको जोरविजोर हटाएको थियो भने उपत्यकामा तीन जिल्ला र बाहिर जिल्लामा सार्वजनिक सवारी चलाउन दिएको थियो ।

साथै भदौ १ बाट लामो दुरीको सवारी पनि चलाउने तयारी छ । तर कोरोनाको जोखिम बढेपछि गाडी चलाउँदा जोर विजोर प्रणाली लागु गर्ने तयारी बढेको हो ।