सांग्रिला डेभलपमेन्ट बैंकमा क्युआर कोड स्क्यानमार्फत नगद झिक्न सकिने सुविधा

१९ साउन, काठमाडौं । सांग्रिला डेभलपमेन्ट बैंक लिमिटेडले आफ्ना ग्राहकहरुको सेवा र सुविधालाई मध्यनजर गर्दै QR code scan गरी नगद निकाल्न मिल्ने योजना सार्वजनिक गरेको छ । यस सुविधा अन्तरगत सांग्रिला बैंकका ग्राहकहरुले आफुले चाहेको रकम आफनो आवश्यकता अनुसार QR code scan गरि भुक्तानी लिन सक्नेछन् ।

यो सुविधा अन्तरगत अधिकतम एक लाखसम्म निकाल्न सकिने भएको छ । हाल सांग्रिला डेभलपमेन्ट बैंकको बालुवाटार शाखा कार्यालयबाट मात्र उक्त सेवा लिन सकिने बताइएको छ । चेक र एटीएमको विकल्पको रुपमा आएको यो सुविधा उपयोगी हुने विश्वास बैंकले लिएको छ ।

बैंकलाई आम जनमानसले गरेको प्रगाढ विश्वास, अगाध स्नेह र बैंकप्रतिको भरोसाले गर्दा मुलुकभर ९१ शाखा कार्यालयहरु, ३० एटीएम, साथै संस्थागत सुशासन, जोखिम व्यवस्थापन र आन्तरिक नियन्त्रण प्रणालीको उत्कृष्ट अभ्यासलाई यस बैंकले पालना गर्दै आएको बैंकका प्रमुख कार्यकारी अधिकृत सूयोग श्रेष्ठले बताएका छन् ।