क्वारेन्टाइन बाहिर मट्टितेल छर्किएर युवाले लगाए आफ्नै शरीरमा आगो

२० साउन, बुटवल । रूपन्देहीमा एक युवाले आफ्नै जीउमा आगो लगाएका छन् । देवदहको क्वारेन्टाइनमा गार्ड बसेका युवाले आफ्नै जिउमा आगो लगाएका हुन् । देवदह नगरपालिका वडा नम्बर ७, शीतलनगरस्थित नेपाल मगर संघको नगर भवन क्वारेन्टाइनमा गार्ड बसेका २४ वर्षीय विपिन बस्यालले आफ्नो शरीरमा आफैंले मट्टितेल खन्याएर आगो लगाएका प्रहरीले जनाएको छ ।

बिहान साढे दुई बजेतिर क्वारेन्टाइनबाहिर मट्टितेल छर्केर लगाएर आगो लगाएपछि शरीरको धेरै भाग जलेको प्रहरीको भनाई छ । गम्भिर अवस्थाका उनलाई देवदह मेडिकल कलेज लगिएको छ । उनले आफ्नै शरीरमाथि आगो लगाउनुको कारण खुलेको छैन् ।