सुनको भाउमा रेकर्ड ब्रेक, तोलाको ९९ हजार ८ सय रुपैयाँ !

२० साउन, काठमाडौं । सुनको भाउले रेकर्ड ब्रेक गर्ने क्रम जारी छ । यसैक्रममा मंगलबार सुनको भाउ प्रतितोला २ सय रुपैयाँले बढेको छ । नेपाल सुनचाँदी व्यवसायी महासंघका अनुसार छापावाल सुनको भाउ तोलाको ९९ हजार ८ सय रुपैयाँ कायम भएको छ ।

यसैगरी, तेजावी सुनको भाउ तोलाको ९९ हजार ३७५ रुपैयाँ निर्धारण भएको छ । यता, चाँदीको भाउ प्रतितोला १२ सय ३० रुपैयाँ छ । सोमबार छापावाल सुनको भाउ तोलाको ९९ हजार ६ सय रुपैयाँ कायम भएको थियो ।

यसैगरी, तेजावी सुनको भाउ तोलाको ९९ हजार १६० रुपैयाँ निर्धारण भएको थियो । यता, चाँदीको भाउ भने प्रतितोला १२ सय रुपैयाँ थियो ।