कोरोनाले एकैदिन ५ जनाको मृत्यु

२१ साउन, काठमाडौं । कोरोना भाइरसको संक्रमणबाट एकैदिन नेपालमा ५ जनाको मृत्यु भएको छ । बुधबार मात्रै काठमाडौंमा एक, पर्सामा दुई र मोरङमा दुई गरी पाँच जनाको मृत्यु भएको हो ।

एकैदिन नेपालमा ५ जनाको मृत्यु भएको यो पहिलो पटक हो । यससँगै नेपालमा कोरोना संक्रमणका कारण मृत्यु हुनेको संख्या ६३ पुगेको छ । २१ हजार बढी संक्रमित हुँदा १४ हजार बढी संक्रमितको कोरोना जितेका छन् ।

तर मृत्तकको संख्या बढेपछि जोखिम पनि उत्तिकै बढेको छ । पर्साको वीरगञ्ज–१५ भिश्वाका ४६ बर्षीय पुरुष र पोखरिया नगरपालिका–८ कि १८ बर्षीया युवतीको मृत्यु भएको छ । युवती पनि कोरोनाले मृत्यु भएपछि यसको जोखिम थप डरलाग्दो बनेको छ ।

यस्तै मोरङको कोशी अस्पतालमा दुई जनाको मृत्यु भएको छ । काठमाडौंँमा ६५ बर्षीया बृद्धाको मृत्यु भएको छ । एकैदिन कोरोना संक्रमणबाट ५ जना सम्मको मृत्यु भएपछि जोखिम थप बढेको छ ।