कोरोनाले सिराहामा युवकको मृत्यु

२३ साउन, सिराहा । कोरोना भाइरसको संक्रमणबाट सिराहाका एक युवकको मृत्यु भएको छ । गोलबजार नगरपालिका वडा नम्बर १२ निवासी २१ बर्षीय युवकको धरानको बीपी कोइराला स्वास्थ्य विज्ञान प्रतिष्ठानमा उपचारका क्रममा राति मृत्यु भएको हो ।

सिराहाका प्रमुख जिल्ला अधिकारी प्रदीपराज कणेलका अनुसार मिर्गौला रोगी उनी डायलासिस सेवा लिन धरान पुगेका बेला कोरोना संक्रमण भएको थियो । संक्रमण भएपछि उनको उपचारकै क्रममा मृत्यु भएपछि उनको शव व्यवस्थापन गर्ने तयारी भएको छ ।