सांसद रेशम चौधरीलाई रिहा गर्न तीन महिने अल्टिमेटम, प्रधानमन्त्रीसम्म बहिस्कार पर्ने
नेपालबहस संवाददाता
साउन २४, २०७७ शनिबार २१:२२:६
२४ साउन, कैलाली । डिल्लीबजार कारागारमा जेलजीवन बिताईरहेका थरुहट आन्दोलनका नेता एवं संघीय संसदका सांसद रेशम चौधरीको रिहाईको माग गर्दै आन्दोलनको घोषणा भएको छ । बिरामी भएर दुई दिन अघि मात्र वीर अस्पताल भर्ना भएका नेता चौधरीलाई तत्काल रिहा नगरे प्रधानमन्त्रीसम्मलाई बहिस्कार गर्ने चेतावनी थरुहट थारुवान मोर्चाले दिएको छ ।
थरुहट आन्दोलनका बेला नेपाल प्रहरीका एसएसपी लक्ष्मण न्यौपानेसहितको हत्या र आगजनीमा रुपमा चर्चित टीकापुर घटनाको राजनीतिक रुपमा समाधान निकाल्न थरुहट थारुवान मोर्चाहरुले माग गरेका हुन् ।
शनिबार कैलालीमा पत्रकार सम्मेलन गर्दै मोर्चाले आफूहरुको माग सुनुवाई नभए सरकारलाई नै बहिस्कार गर्ने अल्टिमेटम दिएको छ । मोर्चाका केन्द्रीय संयोजक लक्ष्मण थारुले ३ महिनाभित्र राज्यले सो घटनाको समस्या समाधान नगरे सरकार र सरकारमा रहेका मन्त्रीदेखि प्रधानमन्त्रीसम्मलाई बहिस्कार गरिने बताए । प्रधानमन्त्री केपी शर्मा ओली र उनी निकट मन्त्री तथा सांसदलाई थरुहट क्षेत्रमा प्रवेश निषेधसंगै सामाजिक बहिष्कार गर्ने थरुहट थारुवान राष्ट्रिय मोर्चाले चेतावनी दिएको छ ।
टीकापुर घट्नामा मुख्यदोषी ठह¥याई डिल्लीबजार कारागारमा जेल जीवन बिताईरहेका रेशमलाल चौधरीसहितका ११ जनालाई ३ महिनाभित्र रिहा गर्नुपर्ने मोर्चाले माग राखेको छ। साथै मोर्चाले यसका लागि सशक्त संघर्षका कार्यक्रम पनि घोषणा गरेको छ । त्यसबाट उत्पन्न असहज परिस्थितीको जिम्मेवारी प्रधानमन्त्री केपी ओलीले लिनुपर्ने मोर्चाकाे भनाइ छ ।
जसअनुसार साउन २५ मा प्रदेश सरकारलाई ज्ञापनपत्र बुझाउने, भाद्र २ मा मानव अधिकार र नागरिक अगुवाहरुसँग छलफल गर्ने, भदौ ७ मा विरोध सभा गर्ने र भदौ ८ टीकापुर घटनालाई स्मरण गर्दै कालो दिनको रुपमा मनाउने उल्लेख छ । त्यसैगरी असोज ३ मा देशव्यापी रुपमा संविधानका धारा जलाउने र त्यतिन्जेलसम्म पनि माग पूरा नभए नयाँ आन्दोलनका कार्यक्रमहरु तय गरिने मोर्चाले जनाएको छ ।
वर्तमान सरकार भ्रष्टचारको अखाडा बनेको बताउँदै संयोजक चौधरीले कोरोना नियन्त्रण, शुसासन, बाढी पहिरो लगायतका बिषयमा गैर जिम्मेवार बनेको उल्लेख गरे । ‘केपी ओली नेतृत्वको सरकार जनताका समस्या र मागको वेवास्ता गर्दै अगाडी बढेकाले आन्दोलनको बिकल्प छैन ।’
जनताका समस्या समाधान गर्ने आन्दोलनका लागि कोरोनाले रोक्न नसक्ने बताए । उनले स्वास्थ्य सावधानी अपनाएर आन्दोलन अघि बढाउने उल्लेख बताए । यो अबधिमा पनि माग पुरा नभए दशै तिहार, छट पछि सशक्तरुपमा निर्णायक आन्दोलन गर्ने तालिका संघर्ष समितिले अगाडी सारेको हाे ।
मोर्चाको आन्दोलनमा नेपाल आदिवासी जनजाती महासंघ प्रदेश समन्वय परिषद्, उत्पीडन समन्वय मञ्च कैलाली, नेपाल लोकतान्त्रिक पार्टी कैलाली, खसान रास्ट्रिय संघर्ष समिति, नेपाल मगर संघ कैलाली, संघीय दलित शिल्पी मञ्च कैलाली र मिसन अम्बेडकर कैलालीले समेत एक्यबद्धता जनाएको मोर्चाका संयोजक थारुले बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपभोलि मतदान हुने इलाम र बझाङमा सबै सवारीसाधन निर्वाध चल्न दिने आयोगको निर्णय
बैशाख १४, २०८१ शुक्रबार
प्रधानमन्त्री दाहाल मोरङमा
बैशाख १४, २०८१ शुक्रबार
प्रधानमन्त्रीसँग एडीबीका उपाध्यक्षको शिष्टाचार भेट
बैशाख १४, २०८१ शुक्रबार
प्रहरीले १८ जनामा मुद्दा चलायो, सर्वोच्च पुग्दा सात बचे
बैशाख १३, २०८१ बिहिबार
न्युरोडबाट १ किलो ८ सय ग्राम सुन र १ करोड ४३ लाख रकमसहित ७ पक्राउ
बैशाख १४, २०८१ शुक्रबार
गणेशमान सिंह क्रिकेटमा सुदूरपश्चिम विजयी
बैशाख १४, २०८१ शुक्रबार
लाओसमा दादुरा, रुबेलाबाट बालबालिकालाई जोगाउन खोप अभियान सुरु
बैशाख १४, २०८१ शुक्रबार
बन्दिपुर जाने बाटोको प्राकृतिक मनोरम दृश्य
बैशाख १४, २०८१ शुक्रबार
मुम्बईको अदालतले दियो रवि किशनलाई ठूलो राहत, डीएनए परीक्षण गर्न अस्वीकार
बैशाख १४, २०८१ शुक्रबार
वैदेशिक रोजगारमा पठाइदिन्छु भन्दै ठगी गर्ने दुई जना पक्राउ
बैशाख १४, २०८१ शुक्रबार
भरतपुरका होटलले पर्यटकलाई छुट दिने
बैशाख १४, २०८१ शुक्रबार