वीरगञ्जमा मृत्यु भएकी महिलामा कोरोना संक्रमण पुष्टि

२६ साउन, वीरगञ्ज । कोरोना भाइरसको संक्रमणबाट पर्साको वीरगञ्जमा एक महिलाको मृत्यु भएको छ । मृत्यु हुनेमा वीरगञ्ज महानगरपालिका–१५ भेडियाही ४५ वर्षीया हुन् । मृत्युपछि नारायणी अस्पतालको पीसीआर प्रयोगशालामा गरिएको परीक्षणका क्रममा उनको रिपोर्ट पोजेटिभ आएको थियो ।

योसँगै साउनमा मात्रै पर्सामा कोरोना संक्रमणबाट मृत्यु हुनेको संख्या १८ पुगेको छ । नेपालमा भने कोरोना संक्रमितको संख्या ७७ पुगेको छ ।

शनिबार राति नारायणी कोरोना विशेष अस्पतालमा उनलाई उपचारका लागि ल्याइएको थियो । आइतबार उनको स्वाब निकालेर पीसीआर परीक्षण गर्दा रिपोर्ट पोजेटिभ आएको कोभिड अस्पतालका संयोजक डाक्टर उदय नारायण सिंहले जानकारी दिए । मृत्तक महिलाको शव आजै व्यवस्थापन गर्ने तयारी छ ।