खरिदकर्ता आक्रामक हुँदा लगातार दुई दिन बजार ईण्ट्राडे हाईमा, प्राविधिक सूचक कस्ता देखिए ?

२६ साउन, काठमाडाैं । शेयरबजारमा हिजोको सकारात्मक प्रवृत्तिले साथ दिँदै आज पनि बजार “ईण्ट्राडे हाई”मा बन्द भएको छ । शेयरबजारले  खुलेबाट नै सकरात्मक प्रवृत्ति समातेको थियो । नेप्से परिसूचक ३७ दशमलव ७४ अङ्कले वृद्धि हुँदै १४३० दशमवल ४१ को विन्दुमा बन्द भएको छ ।

आज बजार १४०० को मनोवैज्ञानिक रेखा भन्दा माथि बन्द हुन सफल छ । बजार २ दशमवल ७१ प्रतिशतले वृद्धि भएकोमा १८९ कम्पनीको १ अर्ब ५५ करोड बराबरको शेयर कारोवार भएको छ ।

आज बजार १३९४ को विन्दुमा खुलेकोमा बजारको न्यून विन्दु त्यही रहेको छ भने बजारको उच्च विन्दु र अन्तिम विन्दु पनि एउटै रहेको छ। यस्तो प्रवृत्तिलाई सकारात्मक मानिन्छ।

आज नेपाल पुनर्बीमा कम्पनीको शेयर सर्वाधिक कारोवार भएको छ । नेपाल पुनर्बीमा कम्पनीको १२ करोड ३१ लाख बराबरको शेयर खरिदबिक्री भएको छ ।

साधना लघुवित्त, अजोड इन्स्योरेन्स, घोडिघोडा लघुवित्त, एभरेस्ट इन्स्योरेन्स र सांग्रिला डेभलप्मेण्ट बैंक सर्वाधिक कमाउने ५ कम्पनी हुन भने सर्वाधिक गुमाउने ५ कम्पनीमा दिव्यश्वोरी हाईड्रोपावर, गुराँस लघुवित्त, खानीखोला हाईड्रोपावर, बेस्ट फाईनान्स र घलेम्दी हाईड्रोपावर रहेका छन् ।

आज म्युचअल फण्ड बाहेक सम्पूर्ण उपसुचकमा वृद्धि देखिएको छ ।

प्राविधिक बिश्लेषण :

प्रतिरोध २ः १५०० । प्रतिरोध १ः १४८० । टेवा १ः १४०० । टेवा २ः १३५०

✍आज शेयरबजार खुलेदेखि अन्तिम समयसम्म बढ्दो प्रवृत्तिमा रहेको देखिन्छ । आजको बजार प्रवृत्तिले “बुलिस मारुबोजु” मैनबत्तीको चित्र बनाएको छ। यसले बजारमा क्रेताको चाप रहेको र अर्को कारोबार दिन पनि बजार बढ्न सक्ने जानकारी गराउँदछ ।

✍दैनिकी अवधिमा “आरएसआई” ५६ दशमलब ०५ को बिन्दुमा छ । यसको प्रवृत्तिले बजारमा क्रेताको चाप उपरान्त केहि समयको लागि हुन सक्ने जानकारी दिएको छ ।

✍“एडीएक्स” र जोड / बिजोड “डाइरेक्सनल इन्डेक्स”हरुले बजारमा क्रेताको चाप हुन थालेको जानकारी दिएको छ।

✍“अन ब्यालेन्स भल्यूम” ले पनि क्रेताको चाप हुन थालेको जानकारी दिएको छ ।

✍नेप्से बढेमा पहिलो प्रतिरोध १४८० को क्षेत्रमा पाउने देखिन्छ र घटेमा पहिलो टेवा १४०० को क्षेत्रमा पाउने देखिन्छ।