प्युठानमा १४ सैनिकलाई कोरोना संक्रमण

२६ साउन, काठमाडौं । प्युठानमा नेपाली सेनाका १४ जवानलाई कोरोना देखिएको छ । सोमबार प्रादेशिक जनस्वास्थ्य प्रयोगशाला भैरहवामा गरिएको परीक्षणमा प्युठानमा १४ जना सेनाका जवानसहित २३ जनालाई संक्रमण देखिएको हो ।

ईन्द्रध्वज गण प्युठानमा कार्यरत १४ जना, स्वर्गद्वारी नगरपालिकाका ६ जना, मल्लरानी गाउँपालिकाका २ जना र १ जना जिल्ला प्रहरी कार्यालयको हिरासतमा रहेको व्यक्तिमा संक्रमण देखिएको हो ।

स्वर्गद्वारी नगरपालिकाको क्वारेन्टिनमा बस्दै आएका ६ जनामा संक्रमण पुष्टि भएको छ । थप २३ जनामा संक्रमण पुष्टि भएसँगै प्युठानमा कोरोना संक्रमितको संख्या ३६५ जना पुगेको छ । संक्रमितमध्ये धेरैजसो डिस्चार्ज भइसकेका छन् ।