बार्सिलोनाको लज्जास्पद हार, बायर्न म्युनिक सेमीफाईनलमा

३१ साउन, काठमाडौं । जर्मन च्याम्पियन बायर्न म्युनिकले स्पेनिस क्लब बार्सिलोनालाई लज्जास्पद हार खुवाउदै सेमीफाईनलमा स्थान पक्का गरेको छ । च्याम्पियन्स लिगमा गएराती भएको खेलमा बार्सिलोनालाई ८-२ गोलको फराकिलो अन्तरले हराउदै बार्यन अन्तिम ४ मा पुगेको हो ।

लिस्बोनमा बार्यनलाई जिताउन थोमस मुलर र फिलिप काउटिन्होले दुई दुई गोल गरे । मुलरले शुरुवाती गोल गरे भने काउटिन्होले अन्तिम तीन मिनेटमा दुई गोल गरेका थिए । यस्तै किमिच, ग्रन्बी, लेवान्डोस्की र पेरिसले एक एक गोल गरे ।

बार्सिलोनाका लुइस स्वारेजले एक गोल फर्काए भने अर्को गोल उपहार पाएको थियो । च्याम्पियन्स लिगबाट बाहिरिएसँगै बार्सिलोना यस सिजन उपाधिविहिन बनेको छ । यससँगै बार्सिलोनाका प्रशिक्षक क्वीटे सेटिनको जागिर धरापमा परेको छ ।

ला लिगामा रियल मड्रिडले पछि पारेको बार्सिलोनालाई च्याम्पियन्स लिगमा बायर्न म्युनिखले लज्जास्पद हार खुवाई दिएको छ ।