काठमाडौंमा निषेधाज्ञापछि नागढुंगामा ‘ट्रकजाम’

४ भदौ, काठमाडौं । उपत्यकामा निषेधाज्ञा लागु गरेपछि नागढुंगामा ट्रक जाम शुरु भएको छ । गएरातीदेखि निषेधाज्ञा शुरु भएपछि खाद्यान्न, तरकारी, औषधी, इन्धनलगायत अत्यावश्यक सामग्री बोकेको ट्रक रोकिएका हुन् । धेरै मालवाहक गाडी रोकिदा नागढुंगा ओरालोमा ‘ट्रकजाम’ नै शुरु भएको छ ।

काठमाडौं पगेर फर्किएका र काठमाडौं भित्रिन ठिक्क परेका गाडीलाई नै प्रहरीले रोकेको हो । अत्यावश्यकबाहेकका अरु सवारी साधनलाई रोक्दा नागढुंगामा जाम भएको प्रहरीको भनाई छ ।

लत्ता कपडा, सिमेन्ट, प्लास्टिकलगायतका सामग्री बोकेर आएका ट्रकहरु रोकिएका छन् । यातायात व्यवसायीले भने गन्तव्यमा हिँडेका ट्रक बाटैमा रोकिँदा समस्या भएको बताएका छन् ।