सर्लाहीमा भदौ १४ गतेसम्म निषेधाज्ञा थपियो

७ भदौ, जनकपुरधाम । सर्लाहीमा निषेधाज्ञाको म्याद थपिएको छ । कोरोना संक्रमणको अवस्था बढेपछि तेस्रो पटक एक हप्ताका लागि निषेधाज्ञाको म्याद थपिएको हो । अब सर्लाहीमा भदौ १४ गतेसम्मका लागि निषेधाज्ञा जारी रहनेछ ।

कोरोना सक्रमण फैलिने क्रम नरोकिएपछि निषेधाज्ञाको म्याद थप गर्नुपरेको प्रमुख जिल्ला अधिकारी सुरेन्द्र पौडेलले बताए । पछिल्लो पटक साउन ३२ साउनदेखि भदौ ७ गतेसम्म र त्यसअघि साउन २६ गतेदेखि ३२ गतेसम्मका लागि जिल्लामा निषेधाज्ञा जारी गरिएको थियो ।