सुदुरपश्चिमका मुख्यमन्त्री भट्ट क्वारेन्टाइनमा !

७ भदौ, डोटी । ड्राइभरलाई कोरोना संक्रमण पुष्टि भएपछि सुदुरपश्चिमका मुख्यमन्त्री त्रिलोचन भट्ट होम क्वारेन्टाइनमा बसेका छन् । आइतबार चालकमा कोरोना देखिएपछि सुदूरपश्चिम प्रदेशका मुख्यमन्त्री भट्ट होम क्वारेन्टाइनमा बसेका हुन् ।

भदौ २ गते डोटी जिल्ला अस्पतालमा स्थापना भएको पीसीआर प्रयोगशालाको उद्घाटनका लागि डोटी पुगेका मुख्यमन्त्री भट्टसंगै उनको परिवारका सदस्यहरु पनि गएका थिए । परिवारका सदस्यहरुलाई बोकेको गाडीका चालकमा कोरोना संक्रमण देखिएका ओलीले बताए ।

मुख्यमन्त्री र मुख्यमन्त्रीका परिवारका सदस्यहरु, चालक, सुरक्षाकर्मी र सम्पर्कमा आएका सबैको कोरोना परीक्षण गर्ने तयारी भइरहेको छ ।