४८ जिल्लामा निषेधाज्ञा : ३१ हजारलाई जरिवाना, २० हजार नाकाबाटै फिर्ता !
नेपालबहस संवाददाता
भदौ ७, २०७७ सोमबार २:९:१७
७ भदौ, काठमाडौं । कोरोना महामारीको अवस्था भयावह हुन थालेपछि सरकारले ४८ जिल्लामा निषेधाज्ञा घोषणा गरेको छ । गृह मन्त्रालयले जारी गरेको प्रेस विज्ञप्तीमा पछिल्लो समय कोरोना संक्रमण बढ्दै गएपछि ४८ जिल्लामा निषेधाज्ञा घोषणा गरिएको हो ।
यसरी निषेधाज्ञा घोषणा गरिएका जिल्लामा काठमाडौं, ललितपुर र भक्तपुर पनि छन् । निषेधाज्ञा जारी गरिएको जिल्लामध्ये १२ जिल्लामा आंशिक निषेधाज्ञा छ । गृह मन्त्रालयका अनुसार कोभिड–१९ जिल्ला संकट व्यवस्थापन समितिको निष्कर्ष अनुुसार प्रमुख जिल्ला अधिकारीहरुले निषेधाज्ञा लागू गरेका हुन् । स्थानीय प्रशासन ऐन, २०२८ र मन्त्रिपरिषदको निर्णय बमोजिम संक्रमण बढी देखिएको स्थानमा सीडीओहरुले निषेधाज्ञाको आदेश जारी गरेका हुन् ।
गृह मन्त्रालयका अनुसार सप्तरी, धुनषा, बाँके, पर्सा, बारा, महोत्तरी, सुनसरी, सर्लाही, स्याङ्जा, सिरहा, काठमाडौं, ललितपुर, भक्तपुर, रौतहट, धनकुटा, पाल्पा, रामेछाप, दोलखामा पूर्ण निषेधाज्ञा जारी गरिएको छ ।
नवलपरासी पश्चिम, सिन्धुपाल्चोक, गोरखा, अर्घाखाँची, कास्की, कैलाली, प्युठान, दैलेख, गुल्मी, कञ्चनपुर, डडेलधुरा, कालिकोट, तेह्रथुम, संखुवासभा, रुपन्देही, चितवन र बैतडीमा पनि निषेधाज्ञा जारी गरिएको छ । आंशिक निषेधाज्ञा लागु गरिएका जिल्लामा नुवाकोट, जुम्ला, मोरङ, दार्चुला, झापा, मकवानपुर, धादिङ, उदयपुर, तनहुँ, सुर्खेत, बाग्लुङ, पश्चिम रुकुम र जाजरकोट लगायतका जिल्लामा निषेधाज्ञा जारी गरिएको छ ।
४२ हजारलाई मास्क, ३१ हजारलाई जरिवाना
गृह मन्त्रालयका अनुसार अहिलेसम्म मास्क नलगाई हिड्ने ४ लाख ६४ हजारलाई नियन्त्रणमा लिएर होल्डिङ जोनमा राखिएको थियो । जसमा ३ लाख ९० हजारलाई सम्झाई बुझाई गरी छाडिएको छ भने ४२ हजारलाई मास्क वितरण गरिएको गृह मन्त्रालयले जनाएको छ ।
मास्त वितरणसँगै लापरबाही गर्ने ३१ हजार ६ सय ६ जनालाई जरिवाना गरिएको पनि मन्त्रालयले जारी गरेको विज्ञप्तीमा उल्लेख छ । मास्क नलगाउने, सम्झाउँदा पनि नमान्ने र पटक पटक निषेधाज्ञाको उल्लंघन गर्नेलाई जरिवाना गरिएको गृह मन्त्रालयको भनाई छ ।
२० हजार नाकाबाटै फिर्ता !
उपत्यकामा निषेधाज्ञा जारी गरेपछि सरकारले आवतजावतमा कडाई गरेको छ । गएको हप्तादेखि जारी गरिएको निषेधाज्ञाअनुसार अहिलेसम्म काठमाडौं भित्रिनेलाई निकै कडाई गरिएको छ । यसबीचमा बाहिर जिल्लाबाट उपत्यका भित्रिन खोज्ने ८ हजार बढी सवारी साधन फर्काइएको छ ।
साथै ती सवारी साधनमार्फत काठमाडौं भित्रिन खोजिएका २० हजार ८ सय ७६ जनालाई नाकाबाटै फिर्ता पठाइएको पनि गृह मन्त्रालयले जनाएको छ । साथै गृह मन्त्रालयले निषेधाज्ञा पालना नगर्ने, स्वास्थ्यकर्मी र सुरक्षाकर्मीमाथि दुव्र्यवहार गर्नेमाथि कडा कारबाही गर्न जिल्ला प्रशासन कार्यालयलाई अनुमति दिएको पनि जनाएको छ ।
पछिल्लो समय देशभर संक्रमण बढ्दा ३१ हजार जनामा कोरोना देखिएको छ भने १ सय ४६ जनाको मृत्यु भएको छ । कोरोना संक्रमित १९ हजार भने निको भएर घर फर्किएका छन् ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमनोरञ्जन क्षेत्रमा कार्यरत महिलाको गुनासो- न तलब पाइन्छ, न सम्मान !
बैशाख १४, २०८१ शुक्रबार
विश्वकै प्रदूषित शहर बन्यो काठमाडौं, शीर्ष स्थानमा उक्लियो
बैशाख १४, २०८१ शुक्रबार
कोरियाबाट फर्किएर ‘ड्रागन फ्रुट’ खेती
बैशाख १४, २०८१ शुक्रबार
गृहमन्त्रीको आलोचना गर्ने युवकमाथि प्रहरीको चरम यातना
नेपालबहस संवाददाता
बैशाख १३, २०८१ बिहिबार
इलाम उपनिर्वाचनमा कांग्रेस
यज्ञप्रसाद भट्टराई
बैशाख १२, २०८१ बुधबार
आफूलाई चोख्याउने गरी गृहमन्त्री रविको ठाडो प्रस्तावमा प्रधानमन्त्री र मुख्यसचिव किन भए चुप ?
बैशाख १४, २०८१ शुक्रबार
तीनदिने अनुसन्धनात्मक लेखन कार्यशाला तथा तालिम सुरु
बैशाख १४, २०८१ शुक्रबार
अमेरिकी रिपोर्टः नेपालमा सबै प्रकारका यौन तस्करीमा छुट, घुस बिना चल्दैनन् नेपालका अदालत
बैशाख १४, २०८१ शुक्रबार
अदालतका तहसिलदार विरुद्ध जवरजस्तीकरणीमा मुद्धा दर्ता, फरार पाण्डे खोज्न प्रहरी परीचालन
बैशाख १४, २०८१ शुक्रबार
पहिलो पटक हुम्ला पुगे दुई टिपर, स्थानीयले गरे फूलमालाले स्वागत !
बैशाख १४, २०८१ शुक्रबार
जनताको उन्नति र प्रगति नै कांग्रेसको चाहना हो : सभापति देउवा
बैशाख १४, २०८१ शुक्रबार
बागमती प्रदेशका सरकारी कार्यालयको बोर्ड तीन भाषामा
बैशाख १४, २०८१ शुक्रबार
टियुमा अभ्यास गर्दै वेस्ट इन्डिज 'ए' टिम
बैशाख १४, २०८१ शुक्रबार
रेशम चौधरीको मुद्दामा मिसिल झिकाउन सर्वाेच्च अदालतको आदेश
बैशाख १४, २०८१ शुक्रबार