पाटन अस्पतालमा संक्रमित २ बृद्धको मृत्यु

८ भदौ, काठमाडौं । कोरोना भाइरसको संक्रमणका कारण ललितपुरको पाटन अस्पतालमा २ जना बृद्धको मृत्यु भएको छ । मृत्यु हुनेमा काठमाडौं घर भएका ७४ वर्षका पुरुष र धनुषाका ७६ वर्षका पुरुष हुन् ।

जिल्ला स्वास्थ्य कार्यालय ललितपुरका अनुसार काठमाडौंका पुरुष भदौ ६ गतेदेखि अस्पतालमा उपचार गराइरहेका थिए । यस्तै धनुषाका पुरुष भने साउन २५ गतेदेखि उपचाररत थिए ।

उनीहरु दुवै जनाको सोमबार बेलूकी मृत्यु भएको अस्पतालले जनाएको छ । यससँगै सोमबार मात्रै देशभर कोरोना मृत्तकको सख्या ११ पुगेको छ ।