चितवनबाट भागेका संक्रमित नुवाकोटमा भेटिए, क-कसलाई सारे कोरोना ?

१० भदौ, भरतपुर । चितवनबाट भागेका कोरोना संक्रमित युवा नुवाकोटमा भेटिएका छन् । भरतपुर अस्पतालको आइसोलेसनबाट भागेका १९ वर्षीय कोरोना संक्रमित युवा नुवाकोटको बेलकोटगढीमा भेटिएका हुन् ।

बुधबार विहान नुवाकोट बेलकोटगढी ५ स्थित नेपाल प्रहरीको जाँचका क्रममा उनी भेटिएका प्रहरीले जनाएको छ । उनी साइकलमा जाँदै गर्दा पक्राउ परेका हुन् । उनलाई नुवाकोटमा नै आइसोलेसनमा राख्न समन्वय भइरहको जिल्ला प्रहरी कार्यालय चितवनले जनाएको छ ।

चोरीको आरोपमा पक्राउ परेका उनमा कोरोना संक्रमण पुष्टि भएपछि भरतपुर अस्पतालको आइसोलेसनमा राखिएको थियो । उनी मंगलबार बिहान त्यहाँबाट भागेका थिए । प्रहरी जाँचका क्रममा भेटिएका उनको कन्ट्याक्ट ट्रेसिङ गर्ने काम पनि शुरु भएको छ ।