लूम्बिनी अस्पतालमा बृद्धाको मृत्यु

११ भदौ, बुटवल । रुपन्देहीको लुम्बिनी प्रादेशिक अस्पतालको कोभिड विशेष अस्थायी अस्पतालमा ७० वर्षीया संक्रमित बृद्धाको मृत्यु भएको छ । रुपन्देहीकै तिलोत्तमा नगरपालिका २ जानकीनगरकी ती बृद्धा साउन २६ गते कोरोना संक्रमण पुष्टि भएपछि अस्पतालभ र्ना भएकी थिइन् ।

स्वासप्रश्वासमा समस्या, दीर्घ रोगी, रक्तचाप र थाइराडको समस्या रहेकाले कोरोना संक्रमणका कारण मृत्यु भएको अस्पतालले जनाएको छ । अस्पतालको आइसीयुको भेन्टिलेटरमा राखेर उनको उपचार भइरहेकोमा आज बिहान मृत्यु भएको अस्पतालले जनाएको छ । यससँगै लुम्बिनी अस्पतालमा मृत्यु हुनेको संख्या सात पुगेको छ।

यसअघि गएराती कपिलवस्तुका संक्रमितको पनि बुटवलमै मृत्यु भएको थियो ।