बाँकेमा कोरोनाले ७० बर्षीया बृद्धाको मृत्यु

११ भदौ, काठमाडौं । कोरोना भाइरसको संक्रमणबाट बाँकेमा ७० बर्षीया बृद्धाको मृत्यु भएको छ । नेपालगञ्ज मेडिकल कलेज शिक्षण अस्पताल कोहलपुरमा उपचाररत नेपालगञ्ज उपमहानगरपालिका ७ कि ७० वर्षीया बृद्धाको कोरोनाले मृत्यु भएको हो ।

दम बढेपछि भदौ ३ गते नेपालगञ्जको नर्सिङ होममा भर्ना भएकी उनको पीसीआर जाँच गर्दा पोजेटिभ देखिएपछि कोहोलपुर पठाइएको थियो । स्वास्थ्य अवस्था जटिल बनेपछि उनलाई आईसीयुमा राखेर उपचार गर्दै गर्दा बिहीबार मृत्यु भएको अस्पतालले जनाएको छ ।