भारतीय पूर्वराष्ट्रपति मुखर्जीको अवस्था झन् जटिल

११ भदौ, एजेन्सी । भारतीय पूर्वराष्ट्रपति प्रणव मुखर्जीको स्वास्थ्य अवस्था झन जटिल बनेको छ । कोरोना संक्रमित उनको भेन्टिलेटरको सहायता सहित ‘डीप कोमा’मा उपचार भइरहेको छ ।

बिहीबार अस्पतालले जनाए अनुसार उनको स्वास्थ्य स्थितिमा प्रगति भएको छैन । तर रक्तश्राव स्थिर छ । गत अगस्ट १० मा ८४ वर्षीय मुखर्जी अस्वस्थ भएपछि सैनिक अस्पतालमा भर्ना भएका थिए ।

जहाँ उनमा कोभिड १९ को संक्रमण पुष्टि भएको थियो । मुखर्जी लामो समयदेखि फोक्सो सम्बन्धी समस्याबाट गुज्रिरहेका थिए । मुखर्जी भारतको १३ औँ राष्ट्रपतिको रुपमा २०१२ देखि २०१७ सम्म कार्यरत थिए ।