पोखरीमा डुबेकी बालिका सात घण्टापछि जिउँदै फर्किएपछि आश्चर्यचकित !

♦ धीरुभाइ

१२ भदौ, सप्तरी । पोखरीमा डुबेर जिउँदै फर्किएको घटना सुन्दा जोसुकैलाई आश्चर्य लाग्न सकिन्छ । तर, यो वास्तविक घरटना सप्तरीको हो । पोखरीमा सात घण्टा डुबेकी एक बालिका मध्यरातमा जिउँदै घर फर्किएको घटनाले सबैलाई आश्चर्यचकित पारेको छ ।

जिल्लाको बलानको बलाबिहुल गाउँपालिका वडा नम्बर ६ स्थित एक पोखरीमा डुबेकी बालिका मध्यरातमा जिवितै फर्किएकी हुन । जिल्लाको धर्मिक स्थलको रुपमा बरकी पोखरीको नामले चिनिने त्यस पोखरीको पानीमा कमलको फुल टिप्न पसेकी बालिक बिहीबार करिब ५ बजेको समयमा डुबेकी थिइन ।

बिहीबार घाँस काटन सकिएर पोखरीमा कमलको फूल टिप्न पसेकी स्थानिय १४ वर्षीया बालिका मुनचुन कुमारी दास पानीमा हराएको उनीसंगै गएकी बालिकाहरुले देखेपछि गाउँमा आएर खवर पु¥याउँदा स्थानीहरु पोखरीको डिलमा बालिकालाई खोज्न पुगेको थियो ।

स्थानीयले बालिकालाई खोजबिन गर्दा फेला नपरेपछि प्रहरीलाई खबर गरेको थियो । प्रहरी चौकी रामनगर कोदरकटटीबाट प्रहरी सहायक निरीक्षक राम विनय सिंहको नेतृत्वमा बालिका खोज्न प्रहरी समेत खटिएको थियो । पानीमा घण्टौसम्म स्थानीय र प्रहरी मिलेर बालिकालाई खोज्दा फेला परेन । अचानक राती करिब १२ः२० बजे पोखरीको डिलमै रहेको कदमको रुख मुनी बालिका रुदै गरेको अवस्थामा फेला परेपछि स्थानीयहरु चकित भएका छन ।

घरफर्किएकी बालिका दासले पोखरीमा कमलको फूल टिप्न ५ बजेको पसेको बताइन । फूल टिप्न लाग्दा थरीथरीको फूल भेटन थालेको थियो । तर, कुनैपनि फूल टिप्न सकिरहेको थिइन । यसै क्रममा पोखरी पनि सुकेको देखियो । त्यही बेला पहेलो रंगको धोती लगाएको एक बाबा आए र भने दुई÷चार दिन बस्नु । त्यसपछि घरसम्म पु¥याइ दिन्छु । तर, मैले रुन कराउन थालेपछि बाबाले अरु धेरै कुराहरु भनेको थियो, बुझन सकिएन । करिब १२ बजे सुकेकै पोखरीबाट निस्किएको घर फर्किएकी बालिकाले बताइन । पोखरीमा पानी थिएन ।

यस घटनाले चकित वरिपरि गाउँका सयौ मानिसहरु पोखरीको डिलमा भिड भएका छन । पोखरी डिलमा रहेका ठाकुर बाबा मन्दिरको देबीको चमत्कारका कारण बालिका फर्किएको भन्दै भेटी चढाउनेको समेत भिड लागेको छ ।
पोखरी र पोखरीको डिलमा रहेको मन्दिरको पुजारी लुचाई दासले यस पोखरीमा अदभुत शक्ति रहेको बताए ।

यस पोखरीमा नुहाउने व्यक्तिलाई लुतो, चर्मरोग, जस्ता रोगहरु निको हुने जनविश्वास रहेको बताए । सो गाउँपालिका वार्ड नम्बर ६ का अध्यक्ष सुर्य नारायण दासले पूर्वकाल देखिनै धार्मिक आस्था रहदै आएको पोखरीलाई संरक्षण र पर्यटकिय स्थल बनाउनका लागि संघ र प्रदेश सरकार समक्ष गुहार लगाउदै आएको बताए ।

करिब २२ विघाको क्षेत्रफलमा सो पोखरीको छेउमा धर्मसंग जोडिएका तीन वटा पोखरी समेत रहेका छन । प्रत्येक वर्ष बैशाखको १ गते पोखरीको डिलमाथि धार्मिक मेला लाग्दै आएको छ ।