शिक्षण अस्पतालमा दुई संक्रमितको मृत्यु

१७ भदौ, काठमाडौं । त्रिवि शिक्षण अस्पताल महाराजगञ्जमा २ कोरोना संक्रमितको मृत्यु भएको छ । अस्पतालमा उपचारारत काठमाडौंका ७५ वर्षीय एक जना पुरुष र तनहुँकी २० वर्षीया एक जना युवतीको कोरोना संक्रमणको कारण मृत्यु भएको हो ।

दुवै जनाको मंगलबार साँझ मृत्यु भएपनि अस्पतालले बुधबार मात्रै जानकारी दिएको हो । पुरुषमा दीघरोग थियो भने युवतीमा मिर्गौलाको समस्या रहेको पनि अस्पतालले जनाएको छ ।