४ अर्ब माथिको कारोवार हुँदा नेप्से १५०० माथि तर लगानीकर्ताले ध्यान दिनै पर्ने कुरा के छ ?

१७ भदाै, काठमाडाैं । हाईड्रोपावर कम्पनीहरुको शेयर मूल्यमा आएको उछाल र बीमा बाहेक सम्पूर्ण उपसुचकमा आएको वृद्धिको कारणले गर्दा बजारमा २५ अङ्कको वृद्धि देखिएको छ । आज नेप्से परिसूचक एक दशमलव ७२ प्रतिशतले वृद्धि भएको छ । आज १८६ कम्पनीको शेयर कारोवार हुँदा ४ अर्ब १८ करोडको शेयर कारोवार भएको छ । नेप्से परिसूचक २५ दशमलव ५८ अंकले वृद्धि हुँदै १५१० दशमलव ५७ को विन्दुमा बन्द भएको छ ।

अघिल्लो समयको बिश्लेषण अनुसार यदि बजार १४७५ भन्दा माथि स्थिर रहेमा बजार अझ सकारात्मक हुन सक्ने संकेत गर्दछ, भनिएको थियो । आज बजार १५१० दशमलब ५७ को अंकमा बन्द भएको छ । अबको तत्कालिन मुख्य प्रतिरोध १५४० देखि १५६० को क्षेत्रमा रहेको देखिन्छ । हाल बजारको तत्कालिन टेवा १४७५ को क्षेत्रमा रहेको देखिन्छ ।

यस्तो आक्रामक रुपमा वृद्धि भएको बजारमा आधारभूत रुपमा कमजोर कम्पनीहरुका शेयरहरु राम्रो कम्पनीको तुलनामा धेरै वृद्धि हुने गरेका छन् ।  खेलाडीहरुले यस्तो माहोलमा आफूसँग भएका कमजोर कम्पनीहरुको शेयरहरु बेच्ने र लगानीकर्ताहरुले सस्तो भनेर जस्तो सुकै शेयरहरु किनेर फस्ने ट्रेण्ड विगत देखि देखिएको हो । यस्तो अवस्थामा लगानीकर्ताले आधारभूत रुपमा बलिया शेयरहरु किन्दै आफुसँग भएका कमजोर र लाभांश कम दिने शेयरहरु बेच्दै जानु पर्ने देखिन्छ । अन्यथा करेक्सन हुँदा लगानीकर्ताहरु नराम्रो सँग फस्ने सम्भावना हुन्छ।

आज बजार १४९१ दशमलव ४० को विन्दुमा खुलेकोमा बजारले १ बजेर ४५ मिनेटमा १५१९ दशमलव ७८ को उच्च विन्दु सम्म पुगेको थियो । बजारको न्यून विन्दु र खुला विन्दु एकै रहेको छ।

✍ प्राविधिक बिश्लेषण :

 प्रतिरोध २ः १५६० । प्रतिरोध १ः १५४० । टेवा १ः १४७५ । टेवा २ः १४३०

✍ आज शेयर बजार बढ्दो प्रवृत्तिमा रहेको देखिन्छ। आजको बजारले बुलिस मैनबत्तीको चित्र बनाएको छ। यसले आज बजारमा माग बढेको जानकारी गराएको छ । त्यस्तै, आजको परिमाणले बजारमा क्रेताको चाप अत्याधिक मात्रामा रहेकोे जानकारी दिएको छ । बजार बढ्दा परिमाण पनि बढ्नु सकारात्मक मानिन्छ ।

✍ दैनिकी अवधिमा “आरएसआई” ७० दशमलब २१ को बिन्दुमा छ । यसको प्रवृत्तिले बजारमा शेयर बढी खरिद हुन थालेको संकेत गरेको छ।

✍“एडीएक्स” र जोड / बिजोड “डाइरेक्सनल इन्डेक्स”हरुले हालसम्म बजारमा क्रेताको चाप रहेको संकेत गरेको छ ।

✍ “अन ब्यालेन्स भल्यूम” ले पनि बजारमा आज क्रेताको चाप रहेको जानकारी दिएको छ ।

✍ अघिल्लो समयको बिश्लेषण अनुसार यदि बजार १४७५ भन्दा माथि स्थिर रहेमा बजार अझ सकारात्मक हुन सक्ने संकेत गर्दछ, भनिएको थियो । आज बजार १५१० दशमलब ५७ को अंकमा बन्द भएको छ। अबको तत्कालिन मुख्य प्रतिरोध १५४० देखि १५६० को क्षेत्रमा रहेको देखिन्छ । हाल बजारको तत्कालिन टेवा १४७५ को क्षेत्रमा रहेको देखिन्छ।

आज नेपाल पुनर्बीमा कम्पनीको शेयर सर्वाधिक कारोवार भएको छ । नेपाल पुनर्बीमा कम्पनीको ६७ करोड ४२ लाख बराबरको शेयर खरिद बिक्री भएको छ ।

आज सर्वाधिक कमाउने हाईड्रोपावर कम्पनीहरु रहेकाहरु रहेका छन् । सर्वाधिक गुमाउने ५ कम्पनीमा प्रभु इन्स्योरेन्स, प्रडेन्सियल इन्स्योरेन्स, मल्टिपर्पोज फाइनान्स, सगरमाथा इन्स्योरेन्स , सूर्या लाईफ इन्स्योरेन्स रहेका छन् । हाईड्रोपावर उपसुचकमा ९ प्रतिशत भन्दा माथिको वृद्धि देखिएको छ ।