कोरोना भाइरसले विश्वभर ७ हजार स्वास्थ्यकर्मीको मृत्यु

१९ भदौ, काठमाडौं । कोरोना भाइरसको संक्रमणबाट विश्वभर ७ हजार स्वास्थ्यकर्मीको मृत्यु भएको छ । एम्नेस्टी इन्टरनेशनलका अनुसार कोरोनाबाट अहिलेसम्म ७ हजार जनाको मृत्यु भएको हो ।

यसरी धेरै स्वास्थ्यकर्मीको मृत्यु मेक्सिकोमा भएको छ । अहिलेसम्म मेक्सिकोमा कोरोना भाइरसको कारण एक हजार ३२० स्वास्थ्यकर्मीको मृत्यु भएको छ ।

यस्तै अमेरिकामा एक हजार ७७ जनाको मृत्यु भएको छ । त्यस्तै बेलायतमा पनि कोरोना भाइरसको कारण ६४९ स्वास्थ्यकर्मीको मृत्यु भएको छ भने ब्राजिलमा पनि ६३४ स्वास्थ्यकर्मीको मृत्यु भएको छ ।

एम्नेस्टीको प्रतिवेदनअनुसार स्वास्थ्यकर्मीको मृत्युको मामिलामा दक्षिण अफ्रिका र भारतमा पनि चिन्ताजनक अवस्था छ । अहिलेसम्म भारतमा ५७३ र दक्षिण अफ्रिकामा २४० स्वास्थ्यकर्मीको कोरोना भाइरसको कारण मृत्यु भएको छ ।

नेपालमा अहिलेसम्म एक जना स्वास्थ्यकर्मीको कोरोनाले मृत्यु भएको छ । स्वास्थ्यकर्मीको मृत्युले नागरिकमा थप जोखिम बढ्नुका साथै उपचारमा समस्या निम्तिएको एम्नेष्टिको भनाई छ ।