पाटन र सुमेरु अस्पतालमा २ जनाको मृत्यु

१९ भदौ, काठमाडौं । ललितपुरको पाटन र सुमेर अस्पतालमा दुई संक्रमितको मृत्यु भएको छ । बारा घर भई ललितपुरको सुमेरु अस्पतालमा उपचार गराइरहेका ५५ वर्षका कोरोना संक्रमित पुरुषको शुक्रबार मृत्यु भएको हो ।

भदौ १५ गते उपचारका लागि भर्ना भएपछि परीक्षण गर्दा कोरोना संक्रमण पुष्टि भएको थियो । उपचारकै क्रममा शुक्रबार बिहान उनको मृत्यु भएको हो ।

यस्तै पाटन अस्पतालमा काठमाडौंका ४१ वर्षका पुरुषको पनि मृत्यु भएको छ । साउन ३२ देखि पाटन अस्पतालमा उपचार गराइरहेका उनको शुक्रबार विहान ९ बजेर ५० मिनेटमा मृत्यु भएको स्वास्थ्य कार्यालय लतिपुरले जनाएको छ । पछिल्लो समय काठमाडौंमा संक्रमितको संख्या बढ्दा मृत्तक संख्या पनि बढ्दै गएको छ ।