काठमाडौंमा थपिए ३५४ संक्रमित

२१ भदौ, काठमाडौं । काठमाडौं उपत्यकामा थप ३५४ जनालाई कोरोना संक्रमण पुष्टि भएको छ । पछिल्लो चौबिस घण्टामा काठमाडौं जिल्लामा २९०, ललितपुर र भक्तपुरमा ३२ ३२ जनामा कोरोना पुष्टि भएको छ ।

पछिल्लो २४ घण्टामा १० हजार ३८२ जनाको पीसीआर परीक्षण गर्दा देशभर ९८० जनामा कोरोना संक्रमण पुष्टि भएको छ । पछिल्लो २४ घण्टामा कोरोना भाइरस संक्रमण निको भई १८ सय १४ जना डिस्चार्ज भएका छन् । आइतबारसम्म कोरोना संक्रमण निको भई डिस्चार्ज हुनेको संख्या २८ हजार ९ सय ४३ जना रहेको छ ।