अफगानिस्तानमा उपराष्ट्रपति लक्षित बम विष्फोट हुँदा १० जनाको मृत्यु

२४ भदौ, एजेन्सी। अफगानिस्तानको राजधानी काबुलमा बम विष्फोट हुँदा १० जनाको मृत्यु भएको छ । अफगानिस्तानका उपराष्ट्रपति अमरुल्लाह सलेहलाई लक्षित गरेर गराइएको विष्फोटमा परेर १० जना सर्वसाधारणको मृत्यु भएको अन्तराष्ट्रिय सञ्चारमाध्यमले जनाएका छन् ।

अफगानिस्तानको गुप्तचर संस्थाको पूर्वप्रमुख समेत रहेका सलेह बम विष्फोटबाट जोगिएका छन् । यद्यपी उनको हात र अनुहारमा सामान्य चोट लागेको छ । तालिवान र सरकारको बीचमा भइरहेको वार्तामा कुरा नमिलेपछि विष्फोट भएको अनुमान छ ।

अहिलेसम्म जिम्मा नलिएपनि तालिनवानले नै विष्फोट गराएको हुन सक्ने अनुमान छ । अमेरिकी मध्यस्ततामा अफगान सरकार र तालिवानबीचमा वार्ता भइरहेपनि निष्कर्षमा पुग्न सकेको छैन् । तर तालिवानको विरोध गर्दै आएका उपराष्ट्रपति सलेहमाथिको आक्रमण पनि रोकिएको छैन् । गएको बर्ष उपराष्ट्रपति कार्यालयमै भएको आक्रमणमा २० जनाको मृत्यु भएको थियो ।