शिक्षण अस्पतालमा कपिलवस्तुका संक्रमितको मृत्यु

२५ भदौ, बुटवल । काठमाडौंमा थप एक कोरोना संक्रमितको मृत्यु भएको छ । कपिलवस्तु नगरपालिका–६ बेलासपुरका २९ वर्षका युवकको त्रिवि शिक्षण अस्पताल काठमाडौंमा बिहीबार मृत्यु भएको अस्पतालले जनाएको छ ।

भदौ २२ गते कोरोना संक्रमण पुष्टि भएका उनको उपचारका क्रममा बिहीबार बिहान मृत्यु भएको हो । मिर्गौलाको डायलासिस गराउंदै आएका उनमा उच्च रक्तचापको पनि समस्या थियो । योसंगै कपिलवस्तुमा कोरोना संक्रमितको मृत्यु हुने संख्या ६ पुगेको छ ।