नेयमारले जिते कोरोना भाइरस

२६ भदौ, एजेन्सी । सुपरस्टार नेयमार कोरोना भाईरसबाट मुक्त भएका छन् । पीएसजीका विश्वस्तरीय स्ट्राइकर नेयमारले शुक्रबार आफु कोरोना भाईरसबाट मुक्त भएको बताएका छन् ।

ब्राजिलियन सुपरस्टार नेयमारले ट्वीटरबाट आफु कोरोना मुक्त भएको जानकारी दिएका हुन् । नेयमारले कोरोनाबाट मुक्त भएर आफु टिमको प्रशिक्षणमा फर्किएको समेत बताएका छन् ।

एक साता अघि नेयमारसहित पीएसजीका तीन खेलाडीलाई कोरोना भाईरसको संक्रमण देखिएको थियो । फरवार्ड नेयमार सहित एन्जल डी मारिया र लियोनार्दो परेडेसलाई कोरोना भाईरसको संक्रमण देखिएको थियो ।