अब निजी ल्याबको रिर्पोटले पनि कोरोना बिमा रकम पाइने

२८ भदौ, काठमाडौं । चर्को आलोचना र दबाबपछि सरकारले कोरोना बीमाको दावी भुक्तानीका लागि मापदण्ड संशोधन गरेको छ । अब बीमाको दावी भुक्तानीका लागि निजी प्रयोगशालाको परीक्षण रिपोर्ट पनि मान्य हुने भएको हो ।

यस अघि सरकारी अस्पतालहरुको मात्रै परीक्षण रिपोर्ट मान्य हुने व्यवस्था थियो । बीमा समितिले मापदण्ड संशोधन गरेर निजी प्रयोगशालाको परीक्षण रिपोर्ट पनि मान्य हुने व्यवस्था गरेको गरेपछि सहज हुने भएको हो ।

नेपाल सरकार स्वास्थ्य मन्त्रालय माताहतका निकायबाट परीक्षण गरिएको परीक्षण रिपार्ट मात्रै दावी भुक्तानीका लागि हुने व्यवस्था गर्दा चर्को आलोचना भएपछि समितिले मापदण्ड नै संशोधन गरेर जुनसुककै ल्याबको पनि रिपोर्ट मान्य हुने व्यवस्था गरेको हो ।

अव जुनसुकै ल्याबको रिर्पोट ल्याएपनि समितिले बिमितको रकम भुक्तानी गर्नेछ । यसअघि बीमा रकम पाउनका लागि सरकारी ल्याबकै रिर्पोट ल्याउनुपर्ने झन्झट थियो ।