मार्टिनेजलाई ल्याउने बार्सिलोनाको तयारी गफमै सिमित

३१ भदौ, एजेन्सी । स्पेनिस क्लव बार्सिलोनाले इन्टर मिलानका लउटारो मार्टिनेजलाई अनुबन्ध गर्न ढिलाई गरिरहेको छ । क्लवले उनलाई ल्याउने प्रयास भइरहेपनि सोचेको जस्तो संभव नभएको स्पष्ट पारिसकेको छ । त्यसमाथि मेस्सी बार्सिलोनामै बस्ने पक्का भएपछि क्लब मार्टिनेज ल्याउन हच्किएको हो ।

इन्टर मिलानले मार्टिनेजलाई ९० मिलियन यूरो भन्दा कममा नबेच्ने बताइसकेको छ । उनका एजेन्टले इन्टरसँग नयाँ सम्झौताका लागि कुरा अगाडी बढाएका छन । इन्टरले आफ्ना स्ट्राइकरलाई विक्रि गर्नका लागि कुनै मोलमोलाई नगर्ने पक्षमा रहेको छ । यता बार्सिलोनाको चाहना भने उनलाई कम रकममा ल्याउन पाए हुने भन्ने रहेको छ ।

जसका कारण मार्टिनेजको बार्सिलोनामा जाने चाहना तत्कालका लागि संम्भव नहुने भएको छ ।