इजरायल, युएई र बहराइनबीच पहिले पानी बाराबार, अहिले अंकमाल !

३१ भदौ, एजेन्सी । इजरायलले संयूक्त अरब इमिरेट्स र बहराइनसँग पानी बाराबारको सम्बन्धलाई सामान्य बनाउने प्रयास स्वरुप ऐतिहासिक सम्झौता भएको छ । मध्यपूर्वमा शान्ति स्थापनार्थ याे कदम चालिएकाे विश्वास गरिएकाे छ ।

संयुक्त राज्य अमेरिकाको मध्यस्थतामा ३ देशले एउटा ऐतिहासिक सम्झौतामा हस्ताक्षर गरेका हुन् । उक्त सम्झौतालाई अमेरिकी राष्ट्रपति डोनाल्ड ट्रम्पले ‘नयाँ मध्यपूर्वको सुरूवात’ भनेर तारिफ गरेका छन्।

सन् १९४८ मा स्थापना भएयता इजरायललाई मान्यता दिने यूएई तथा बहराइन तेस्रो र चौथो अरब राष्ट्र हुन् । ह्वाइट हाउसमा मङ्गलवार आयोजित कार्यक्रममा ट्रम्पले भने, ‘दशकौँपछिको विभाजन र द्वन्द्वपश्चात्‌ आज हामीले मध्यपूर्वको मिरमिरे बिहानी देख्न पाएका छौँ।’

इजरायली प्रधानमन्त्री बेन्जमिन नेतन्याहुले सम्झौताको स्वागत गर्दै भनेका छन्, ‘यो इतिहासको एउटा निर्णायक दिन हो। यसले शान्तिको एउटा मिरमिरे बिहानीको उद्घोष गरेको छ।

तर प्यालेस्टिनी नेता महमुद अब्बासले अधिनस्थ भूभागहरूबाट इजरायल हटेपछि मात्रै मध्यपूर्वमा शान्ति आउनसक्ने प्रतिक्रिया दिएका छन्। समाचार संस्था एएफपीका अनुसार तीन देशले सम्झौतामा हस्ताक्षर गरेपछि अब्बासले भने, ‘इजरायली कब्जा अन्त्य नभएसम्म यो क्षेत्रमा शान्ति, सुरक्षा र स्थायित्व हासिल हुन सक्दैन।’

उनले भनेका छन्, ‘आज इतिहासले कोल्टे फेर्ने दिन हो । यसले शान्तिको नयाँ बिहानी ल्याउनेछ।’ वर्षौंदेखि पानी बाराबारको अवस्थामा रहेको यहूदी र अरब देशहरुबीचको सम्बन्ध अहिले अंकमाल गर्न तयार भएसँगै ट्रम्पको मध्यपूर्व शान्ति योजना सफल भएको मानिएको छ ।