वामदेव गौतमको शपथ ४ बजे

१ असोज, काठमाडौं । राष्ट्रपति विद्यादेवी भण्डारीबाट राष्ट्रियसभामा मनोनित भएका वामदेव गौतमको शपथ अहिले केहीबेरपछि सिंहदरबारमा हुने भएको छ । सरकारको सिफारिसमा राष्ट्रपति भण्डारीद्वारा मनोनित नेकपाका उपाध्यक्ष गौतमलाई आजै शपथ खुवाउन लागिएको हो ।

राष्ट्रपति भण्डारीले नेपालको संविधानको धारा ८६ को उपधारा २ को खण्ड ‘ख’ बमोजिम प्युठान स्थायी घर भएका गौतमलाई राष्ट्रिय सभा सदस्यमा मनोनित गरेकी हुन्। उनलाई राष्ट्रियसभाका अध्यक्ष गणेश तिमिल्सिनाले शपथ खुवाउनेछन्।