कर्णालीको राजधानी सुर्खेतमै ७ जना पत्रकारलाई कोरोना पुष्टि

१ असोज, सुर्खेत । कर्णाली प्रदेशको राजधानी सुर्खेतमै रहेर कार्यरत ७ जना पत्रकारलाई कोरोना भाइरसको संक्रमण पुष्टि भएको छ । कारोना भाइरसको परीक्षण गरेका कान्तिपुर दैनिकका कर्णाली प्रदेश ब्युरो प्रमुख् कलेन्द्र सेजुवाललाई कोरोना भाइरसको संक्रमण पुष्टि भएको हो ।

त्यसअघि प्रेस संगठन, नेपाल कर्णाली प्रदेशका इन्चार्ज ध्रुव बुढाथोकी, प्रेस संगठनका केन्द्रीय सदस्य देवीराम देवकोटा र नरेश भण्डारीलाई पनि कोरोना संक्रमण पुष्टि भएको थियो । उनीहरु यसअघिदेखि नै आइसोलेसनमा छन् ।

यस्तै पछिल्लो समय पत्रकार तथा मध्यपश्चिम विश्वविद्यालयका उपप्राध्यापक सुर्यप्रसाद कँडेल, टीका बिष्ट र गणेश वलीलाई पनि कोरोना संक्रमण पुष्टि भएको थियो । पत्रकार बिष्ट र वली भने सुर्खेतबाट सञ्चालन भएको सेरोफेरो डटकमका पत्रकार हुन् ।