मुग्लिन–नारायणगढ सडक फेरि अवरुद्ध

२ असोज, काठमाडौं ।  शुक्रबार पनि मुग्लिन–नारायणगढ सडक अवरुद्ध भएको छ । आज पौने ६ बजेतिर सडकखण्डको ठाउँ–ठाउँमा पहिरो झरेका कारण यातायात अबरुद्ध भएको प्रहरीले जनाएको छ ।

प्रहरीका अनुसार चितवन भरतपुर–२९ स्थित चौधकिलो, सत्रकिलो, घुमाउने लगायतका स्थानमा पहिरो खसको छ । पहिरो हटाइ बाटो खुलाउन करिब ३ घण्टाभन्दा बढी समय लाग्ने पनि प्रहरीले जनाएको छ । पहिरोले दैनिकजसो मुग्लिन–नारायणगढ सडकखण्ड अबरुद्ध हुँदै आएको छ ।