धनुषामा संक्रमित दुई जनाको मृत्यु

२ असोज, जनकपुर । धनुषामा दुई जना कोरोना संक्रमितको ज्यान गएको छ । सबैला नगरपालिका ३ का ६८ वर्षका पुरुष र बटेश्वर गाउँपालिका ५ घर भई जनकपुरधाम उपमहानगरपालिक २ बस्दै आएका ७० वर्षीय पुरुषको कोरोनाले मृत्यु भएको हो ।

दुबैको मृत्यु प्रादेशिक अस्पताल जनकपुरधाममा उपचारका क्रममा भएको हो । भदौ २२ गते अस्पतालमा भर्ना भएका ७० बर्षीय वृद्धको गएराती उनको मृत्यु भएको हो ।

यस्तै, सबैलाका पुरुषको शुक्रबार दिउँसो २ बजे सोही अस्पतालमा उपचारका क्रममा मृत्यु भएको छ । यससँगै धनुषामा मृत्यु हुने कोरोना संक्रमितको संख्या १५ पुगेको छ ।