लुक्ला उड्न पीसीआर रिर्पोट अनिवार्य, त्यो पनि नेगेटिभ

४ असोज, काठमाडौं । वायु सेवा कम्पनीले सोलुखुम्बुको लुक्ला विमानस्थल उड्ने यात्रुसँग अनिवार्य रुपमा पीसीआर रिर्पोट माग्ने भएको छ । आगामी पर्यटकीय सिजनमा सबैभन्दा व्यस्त हुने लुक्ला विमानस्थलमा जान यात्रुले अनिवार्य रुपमा पीसीआर नेगेटिभ रिर्पोट देखाउनुपर्ने भएको हो । यो निर्णय वायु सेवा कम्पनीसँगै सोही ठाउँको गाउँपालिकाले पनि अगाडी सारेको छ ।

खुम्बु पासाङल्हामु गाउँपालिकाले सबै एयरलाइन्स कम्पनीलाई पत्र लेख्दै सबै यात्रुको पीसीआर टेस्ट रिजल्ट चेक जाँच गरी नेगेटिभ आए मात्र उडान अनुमति दिन पत्र लेखेको छ । कोरोना भाइरसको महामारीकाबीच करीव ६ महिनापछि आन्तरिक उडान शुरु हुँदैछ । लुक्लामा तारा, सीता र समिट एयरले उडान भर्दै आएका छन् ।